مدونه سترنج آر التطويريه

دى اول بوست ليه فى قسم الربح من الانترنت, عشان كدة حبيت فى الاول اتكلم شويه وواضح شويه مفاهيم خاصه بمصطلح الربح من الانترنت.

مصلحات الربح من الانترنت, العمل من المنزل , اربح من الانترنت كلها مصلحات جذابه جدا, يعنى مجرد للوهله الاولى اى حد يسمع المصطلحات دى هتشد انتباهه, بس الاسف الشديد بعض المفاهيم الخاطئه ارتبطت بهذه المصطلحات.

الربح من الانترنت (making money online) مش مجرد لعبه تلعبها وانت قاعد فى بيتك كدة , ولا مجرد حاجه كدة تعملها فى وقتك الفاضى بهدف الربح…

صوره خاطئه ارتبطت بهذه المفاهيم ولذلك كثير من الناس بيعتقدو انها مجرد طرق للنصب او الخداع والسرقه عند سماع هذه المصطلحات.

طيب ايه سبب الصوره الخاطئه دى؟ اسباب كتير يطول شرحها وانا مش عاوز اكتب بوست طويل عشان محدش يمل من الكلام النظرى دى , بس فى رايى اول سبب هو ببساطه (الناس مش عاوزه تشتغل) يعنى معظم الناس تانى هارجع واقول فى عالمنا العربى عاوزه تقعد فى البيت كدة والفلوس تيجى لغايه عندها بدون تعب, ببساطه احنا شعوب مستهلكه الى اقصى الدرجات.

المهم احنا كدة خرجنا عن موضوعنا , ان شاء الله على هاقوم بكتابه مواضيع لكيفيه الربح من الانترنت, بس الاول عاوز اقول حاجه مهمه.

هو ينفع حد يكون مثلا مابيعرفش يسوق عربيات ويروح يشتغل سواق مثلا؟؟ او واحد جاهل يروح يشتغل مدرس؟؟ انا اقصد اقول مثلا اذا انت مكنش عندك اى خبره فى تصميم المواقع او البرمجه يبقى ازاى متوقع انك ممكن تربح من الانترنت؟؟

قبل ماتفكر فى الربح من الانترنت الاول شوف انت بتحب ايه وحاول تطور نفسك وتعلم نفسك وبعد كدة فكر فى الربح من الانترنت.

اولا فى اكثر من طريقه للربح من الانترنت, مش مجرد انك تعمل موقع وتحط اعلانات جوجل اد سينس مثلا, لا فى بدل الطريقه الف, اقصد اقول ان المجال مفتوح ويتسع للجميع.

مرحبا بكم فى الجزء الثانى من سلسله كيف تنشىء مدونه, ان شاء الله فى هذا الجزء ساقوم بشرح اولى خطواط انشاء مدونه او بمعنى اصح اول خطوه عمليه.

فى البدايه احب اقول ان انشاء مدونه سهل جداا ولايحتاج اى خبره فى تصميم المواقع, من الممكن خلال دقائق معدوده انشاء مدونه فى خطواط بسيطه جداا ومجانيه طبعا , يوجد كثير من المواقع تقدم خدمه انشاء المدونات مجانا مثل blogger.com او WordPress.com  والكثير غيرها طبعا زى ماقولت مش هتحتاج منك اى خبرات سابقه فى انشاء المواقع والمدونات.

طبعا اذا كنت ناوى انشاء مدونه شخصيه ولاتهدف الى الربح منها تقدر طبعا تستخدم مثل هذه الخدمات المجانيه.

زى ماقولت انا هدفى من هذه الدروس هو ارشادك الى بدايه الطريق الصحيح لانشاء مدونه احترافيه بهدف الربح منها, فى حاجه مهمه لازم نقولها الاول هى طالما انك ناوى تبدا مشوارك فى الربح من الانترنت يبقى لازم تستثمر بعض الاموال لانشاء مدونه احترافيه, والاستثمار دة بهدف شراء اسم النطاق(دومين) و حساب فى احدى شركات الاستضافه.

عشان الكلام يكون سليم حجم استثمارك هنا هيبقى حوالى 70 الى 90دولار سنويا, طبعا مبلغ يكاد لايذكر فى مقابل اللى هتربحه عن طريق مدونتك.

اختيار وشراء اسم النطاق

اول مرحله هى شراء اسم النطاق (دومين) وهو عباره عن اسم مدونتك, وده هيكلفك حوالى 9دولار سنويا طبعا يفضل مراعاه قواعد اختيار اسم نطاق صحيح.

اختيار شركه الاستضافه

تانى خطوه هى اختيار شركه استضافه, شراء حساب فى احدى شركات الاستضافه هيكلفك حوالى 70- 90 دولار سنويا ,طبعا بعض الشركات تسمح بالدفع شهريا او كل 3 شهور او 6 شهور.

اهم حاجه فى اختيار شركه الاستضافه هو اختيار شركه محترمه وكبيره , طبعا مش هاننسى نقول حاجه مهمه هنا ارجو كل مبتدىء او حتى اى واحد عنده خبره بالابتعاد عن الشركات العربيه مهما كانت شهرتها ودة لاسباب يطول شرحها من الافضل اختيار شركه عالميه.

طيب ايه افضل الشركات العالميه المضمونه؟

شركه HostGator اول شركه انصح بيها اى حد مبتدىء , طبعا عند التسجيل هنختار الخطه (baby plan) تكلفتها حوالى 7.95 دولار شهريا, ويمكن الدفع شهريا او على فترات نصف او ربع سنويه.

شركه LunarPages وهى اخرى شركه ممتازه, اختيار الخطه (Basic Hosting)

طبعا يوجد الكثير من الشركات العالميه الاخرى ولكن سبب تفضيلى لهذه الشركات هو بعد خبره شخصيه معهم اكثر من 3 سنوات متواصله.

بعد شراء اسم النطاق وخطه باحدى شركات الاستضافه , كدة يبقى انت جاهز لانشاء مدونتك , ان شاء الله فى الجزء القادم هشرح كيفيه تنصيب سكريبت المدونه بالتفصيل

ملحوظه مهمه

طبعا انا عارف ومراعى ان معظم القراء من الممكن انهم يكونو غير قادرين على شراء اسم نطاق وخطه استضافه لاى سبب من الاسباب, عدم توافر المقدره الماليه, عدم امتلاك بطاقه ائتمانيه, عشان كدة انا قررت انى اقدم خدمه شبه مجانيه وان شاء الله هتكون مفاجئه فريبا

اخر حاجه اذا كان عندك اى سؤال بخصوص شراء اسم النطاق وخطه الاستضافه برجاء مراسلتى وان شاء الله هجاوبك فى اقرب فرصه

رغم ان موضوع اختيار اسم النطاق لموقعك او مدونتك قد يعتبره البعض موضوع سهل نسيبا, لكن الحقيقه غير كده اختيارك لاسم موقعك او مدونتك لازم تفكر فيه بصوره جيده, لان زى ما فى ماقوله شهيره بتقول (الجواب بيبان من عنوانه) فعلا المقوله دى لاتتناسب بنسبه 100% مع موضوع اختيارك لاسم موقعك , بس هى فيها جزء كبير من الصحه

اول مرحله لانشاء موقعك او مدونتك هى اختيار اسم النطاق, الحقيقه فى بعض القواعد او بمعنى اصح بعض النصائح الواجب التفكير بها عند اختيارك لاسم موقعك

1-اختيار اسم نطاق قصير بقدر الامكان

اولا لسبب بسيط جداا هو كل مايكون اسم موقعك قصير نسبيا كل ماكان تذكره اسهل, ودى حاجه مهمه جدا لانها هتساعد زوار موقعك على تذكر اسم الموقع بدون الحاجه لحفظه فى المفضله مثلا, يعنى يفضل انك تختار اسم نطاق لايزيد عن 10 حروف.

2-يجب ان تختار اسم النطاق بامتداد( com)

قاعده عامه اى اسم نطاق بامتداد دوت كوم(.com)  له قيمه اعلى من اى امتداد اخر, يعنى انصحك وبشده اذا قمت باختيار اسم نطاق وكان الامتداد كوت كوم غير متاح للتسجيل فكر فى اسم اخر.

طيب ليه دوت كوم بس؟, اولا معظم الناس بتثق فى دوت كوم اكثر من اى امتداد اخر, طبعا يجى بعديه هو الامتداد دوت نت (.net)

السلام عليكم ان شاء الله الموضوع دة هيكون بدايه لسلسه دروس لكيفيه انشاء مدونه (بلوج) بالتفصيل, الشرح سيكون على عده اجزاء كل جزء هاشرح كل مرحله بالتفصيل من مراحل انشاء مدونه

اول جزء من سلسله دروس كيفيه انشاء مدونه هيكون نظرى بمعنى هاوضح شويه مفاهم واساسيات مهمه جداا لابد منها وخصوصا اذا كنت تنوى انشاء مدونه بغرض الربح من الانترنت.

خلال الثلاث سنوات السابقه انتشرت المدونات بصوره كبيره وسريعه فى نفس الوقت , ودة فى حد ذاته شىء كويس ومرغوب منه, اما بقى الشىء اللى غير مرغوب فيه هو ان تكون اكثر من نصف هذه المدونات لاتساوى شى, انا متعمد اقول اكثر من النصف رغم ان النسبه اكثر من كدة بكثير.

بدون مناقشه الاسباب احب اقول بس حاجه مهمه هدف الدروس دى هو تعليمك او بمعنى اصح ارشادك لبدايه الطريق الصحيح

يعنى اذا كنت ناوى انشاء مدونه احترافه سواء كانت عربيه او باى لغه ثانيه والربح منها وهو دى هدفى من الدروس دى , اما بقى اذا كنت ناوى انشاء مدونه شخصيه لاتقدم معلومه من اى نوع للاسف دة مش هدف الموضوع , لان انا فى رايى ان هذا النوع من المدونات ليس له قيمه مجرد اهدار للوقت والمال فى بعض الاحيان.

الهدف من انشاء المدونه؟

اول خطوه لازم تفكر فيها قبل ماتنشىء مدونه هى ايه هدفك من انشاء مدونه؟ بمعنى انك لازم تحط هدف من دلوقتى مش يكون انشاء مدونه هو هدفك, بالعكس المدونه مجرد وسيله للوصول لهدفك.

للاسف بشوف ناس كتير تنشىء مدونه وبعد كدة يفكر يعملها ايه , احب اقولك لو عملت كدة هيبقى اولى خطواط الفشل.

موضوع المدونه؟

بعد ماتحدد هدفك من انشاء المدونه, تانى مرحله هى اختيار موضوع المدونه, نفس الكلام السابق مرحله مهمه جداا, كثير من المدونات تتحدث مثلا عن موضوع الفوركس وتجد المدونه تحتوى على عدد قليل او معلومات ضعيفه فى هذا المجال والمصيبه ان فى كتير من الاوقات المواضع دى بتكون منقوله من مواقع اخرى, يعنى هدف المدونه هو مجرد عرض اعلانات وغيره.

نقطتين مهمين جدا لازم توافرهم فى مدونتك اذا كنت تبحث عن النجاح

1-اكتب فى شىء تحبه وتعلم عنه الكثير

شىء طبيعى جدا انك لازم تكتب فى الاشياء اللى بتحبها وفى نفس الوقت تكون ملم بالكثير من المعلومات عن هذا الشىء, لان ببساطه اذا قررت مثلا انشاء مدونه عن الفوركس وليس لديك اى تجارب ولا خبره سابقه فى هذا الموضوع, يبقى النتيجه هى الفشل لمدونتك

2-التركيز فى موضوع واحد

النقطه دى مهمه من الافضل انك تكتب فى مدونك عن موضوع واحد فقط او موضوعين مرتبطين ببعض على الاكثر