من انا
عن صاحب هذا الموقع؟
بدون ذكر سيره ذاتيه مطوله ببساطه انا اسمى محمد 22 سنه اعمل مبرمج ومطور مواقع حر بدايتى كانت من حوالى 5 سنوات تقريبا والحمد الله خلاص الفتره دى اكتسبت خبره لابأس بها فى مجال البرمجه وتطوير المواقع
املك وادير بعض المواقع والمدونات ولكن الاسف جميعها مواقع ومدونات انجليزيه يمكن دى اول مدونه بالعربى امتلكها , ويمكن السبب اللى خلانى ان انشىء هذه المدونه بالعربى هو سؤال دايما ناس كتير بتسالنى وتقول ازاى انشىء موقع او مدونه واربح منها والطريق يكون ازاى؟ , سؤال بيتردد على لسان كتير من الناس وخصوصا الناس اللى لاتملك وظيفه ثابته او لا تملك وظيفه نهائيا
الهدف من انشاء هذه المدونه؟
مصطلح او تعبير الربح من الانترنت و العمل من المنزل كان السبب فى جذب الكثير من الناس لهذا الموضوع, والاسف فى عالمنا العربى المصطلح دة ارتبط بمفاهم غير صحيحه بالمره
عشان كدة قررت ان ابدا الموقع ده و حرصت انه يكون بالعربى عشان يكون مرجع متكامل لكل شخص بيحاول انه يدخل فى هذا المجال
بالاضافه لسبب تانى ومهم جدا ممكن يتلخص فى كلمتين هما ( لاخير فى كاتم العلم) الحقيقه انا مؤمن بالمقوله دى جدا , ويمكن المكسب الحقيقى ليه من هذه المدونه هو النفع اللى هيعود عليه لما احاول فى توصيل المعلومه لكل شخص مبتدىء
ازاى الموقع دة ممكن يساعدك؟
هدفنا هو نشر دروس تعليميه موجهه لكل شخص بيحاول انه يدخل الى عالم الويب ماستر والربح من الانترنت , زى ماقولت قبل كدة هدفنا لاساسى هو نشر معلومه وانشاء موقع متكامل قبل مايكون ربح مادى